صاحبة ترند ”عايزه عريس” تعتذر على الهواء: مش هعمل كده تاني

قدمت ساندرا صلاح، صاحبة ترند "عايزه عريس" اعتذارا على الهواء، قائلة:" مش هعمل كده تاني لأن دي مش شخصيتي ولكن أن لجأت إلى هذه الحيلة عشان الناس تسمع صوتي لأن محدش بسمع الأغاني اللي بعملها".

وأضافت ساندرا صلاح خلال مشاركتها في برنامج "هي وهما" الذي تقدمه الإعلامية أميرة عبيد على قناة الحدث اليوم، أنا مطربة وكان نفسي أطلع ترند بسبب موهبتي في الغناء وأعمل حاجة تضرب مع الناس لكن ربنا لم يكرمني، موضحة: لجأت إلى حيلة أخرى بحثا عن الشهرة وإيصال رسالتي الأصلية".

تابعت صاحبة ترند "عايزه عريس"، :"أنا فعلا بدور على راجل يدخل حياتي يغيرها تماما لأني مريت بظروف صعبة جدا، ومفيهاش حاجة لما أكون واثقة في نفسي وعندي جرأة وأنا معملتش حاجة حرام ولا غلط.. أنا بطلب العفة والعفاف لنفسي".