أميرة عبيد تنتقد الرقص في حفلات التخرج: أمر مُحزن لا يليق بطلابنا
انتقدت الإعلامية أميرة عبيد، ظاهرة الرقص في حفلات التخرج والتي انتشرت بصورة كبيرة جدا خلال الفترة الماضية من جانب الطالبات اللاتي يبحثن عن الترند.
وقالت أميرة عبيد خلال تقديمها برنامج "هي وهما" على قناة الحدث اليوم، حفلات التخرج في الفترة الأخيرة أصبحت حفلات التخرج مثيرة للجدل علي السوشيال الميديا، و للأسف معظم ترندات حفلات التخرج كانت بتكون ترندات متدنية لا تليق ابداً بطلبنا المصريين، والمحزن في الموضوع إن الترند بيحصل من خلال رقص بعض الفتيات بطريقة غير مناسبة لكيان البنت الشرقية المصرية".
تابعت،: "رواد مواقع التواصل الاجتماعي انقسموا إلى شقين شق شايف اللي بيحصل ده عادي ومن حق البنات ترقص وتفرح وشق تاني شايف إن ده عيب وعار وميصحش يحصل من بنات مصر .. وهنا في الحقيقة في سؤال مهم لفت نظري وهو ليه الترند بيحصل بس علي رقص البنات ؟ بنات مصر أمهات المستقبل؟! ليه كاميرات التريند بتصور السلبي وتشهره وتهدم الإيجابي وتغمره ليه ؟!.. مع العلم إن إحنا عندنا شباب كتير بتكافح وبتدرس وبتشتغل وبتتخرج في نفس الوقت ومحدش سلط عليه الضواء عليهم ! محدش فكر يظهر الإيجابي اللي عندنا".
