أميرة عبيد تنفعل على أب خطف ابنته من الأسانسير: الأبوة شرف

علقت الإعلامية أميرة عبيد، على واقعة خطف فتاتين من داخل مصعد بمدينة نصر، قبل أن تكشف وزارة الداخلية تفاصيل الحادثة التي أكدت أن الشخص بطل الفيديو المتداول هو والداهما وسافر بإحداهن خارج البلاد.
وقالت أميرة عبيد خلال تقديمها برنامج "هي وهما" على قناة الحدث اليوم، مشهد في منتهى العنف والغباء والاستهتار بمشاعر ونفسية البنات، موجهة الشكر إلى وزارة الداخلية التي كشف تفاصيل الواقعة بعد انتشار العديد من الشائعات منها التعدي جنسيا على الفتاتين، مضيفة: التعدي والهجوم اللي تم داخل الأسانسير على البنتين كان من والدهم مش من حد غريب والدهم اللي استعان بشخص آخر عشان يقدر يخدر البنات و ياخدهم بالعافية رغم إن البنات لسه في حضانة الأم ولكن هو مفرقش معاه القانون وبالفعل قدر يخدر بنت منهم وياخدها بالقوة وسافر بيها خارج مصر في الحال الموضوع اللي تسبب في انهيار الأم وغضب الشارع المصري".
تابعت، لو الأب عارف إن الأبوة شرف مكنش عمل كده.. و لو كان عنده ذرة تفكير كان هيعرف إن العمر بيجري وإن بنته مجرد ما تم السن القانوني هتقدر تسيبه وهترجع لحضن أمها.. وهو هيفضل في الغربة منبوذ ضعيف هارب من عقاب القانون اللي مستنيه وهيفضل طول عمره في نظر بناته مجرم مارس الإجرام وتخطى القانون على حساب طفولة وبراءة بناته".