زوجة مروان يونس: كنت فاكرة موضوع الزواج من فنان أو مذيع هيبقى صعب عشان المعجبات

تحدثت هند حسن زوجة الفنان والمذيع مروان يونس، عن فكرة زواجها من فنان ومذيع، كاشفة تفاصيل جديدة عن زوجها وأول مقابلة بينهما.

وقالت هند حسن، ببرنامج سبوت لايت تقديم الإعلامية شيرين سليمان والمذاع على قناة صدى البلد، إن الزواج من فنان أو مذيع أمر سهل جدا وليس صعبا، متابعة «في الأول كنت فاكرة الموضوع هيبقى صعب عشان المعجبات».

وتابعت، أنها تتعامل بطريقة كوميدية في بعض المواقف التي تواجهها خلال تواجدها مع زوجها من قبل معجباته، مؤكدة «بضحك وبعمل حركات بتضحك لما واحدة بتحاول تتصور مع زوجي، لأنه ممنوع اللمس».

وحول لقائها الأول مع مروان قبل ارتباطهما، أوضحت: «أول مقابلة بينا أنا ومروان لقيته شخص محترم وهادي جدا وقعدته كانت لذيذة، واحنا متجوزين من 2021».

واستكملت زوجة مروان يونس: «اللي عملنا عليها قصة هي بدلة الفرح، وكنت هعيط قبل الفرح بيومين، لأنه كان مختار حاجة تبع البدلة مكنتش مبسوطة منها وكانت لذيذة، بس قعدنا نتخانق لحد ما سمع كلامي ولم يرتديها».

وعن صفات غريبة في زوجها، فقالت: «مروان بيفكر وهو نايم وبيغني ويطبل على ضهر السرير، وبكتشف ده عشان نومي خفيف وبحس بيه لما بيدندن وهو نايم».

وعن والدة مروان يونس، أضافت هند: «أنا واحدة من معجباتها، وكنت مبسوطة أنها هتكون حماتي وأنا بحبها أوي، وهي خطيرة».

_