تربيتى عيشتنى فى رعب.. رانيا يوسف تكشف عن قيود نشأتها

كشفت الفنانة رانيا يوسف عن الحياة التى كانت تعيشها مع والديها والتى وصفتها بالمليئة بالقيود.

وقالت رانيا يوسف فى بودكاست “ريما وحكاويها” للكاتبة ريم جمال: “أنا تمردت من 5 سنين، تربيتي عيشتني في رعب طول الوقت، بابا كان ضابط وماما مضيفة، وأبويا هو اللي كان طول الوقت معايا أكتر”.

وأضافت رانيا يوسف : أبويا مكانش قاسي لكن كنت بترعب منه، إحنا جيل البنات اللي كان طول الوقت عايش خايف، وكان في طقوس مش ممكن أخرج عنها وعلشان أعمل فلوس وأعمل مستقبلي بالطريقة اللي أنا عايزاها، أنا أجبرت على دخول آداب إنجليزي وخصلتها في 14 سنة، لكن كان نفسي أدخل معهد السينما وأطلع مخرجة وده متحققش".