حسام داغر ناعيا طارق عبدالعزيز: أنا مش مصدق.. الجدعان الكويسين بيمشوا كلهم
نعى الفنان حسام داغر، صديقه الفنان طارق عبدالعزيز، الذي رحل عن عالمنا، إثر إصابته بأزمة صحية.
ونشر حسام عبر صفحته الرسمية على إنستجرام، صورة للفنان طارق عبد العزيز، وعلق قائلا: "طارق بجد مش معقول سبحان من له الدوام، كنا تعبانين سوا في نفس الوقت من كام شهر لما أنا دخلت المستشفى وأنت عملت القسطرة، ومع ذلك قعدنا ساعة نتكلم في تليفون نطمن على بعض وتحكيلي اللي حصل معاك كله".
وأضاف: "كنت مسجلني على موبايلك حسام ابن عمتي بسبب كلامك مع ماما زمان، وطلعتوا من نفس البلد في سوهاج وإنها تقربلك وفي مقام عمتك، جمعنا مواقف كتير وصحوبية كتير وضحك كتير وحب كتير، مش مصدق نفسي آخر مرة شفتك في مهرجان العلمين وفضلت تتطمن عليا وأنت اللي فيك مكفيك".
وأشار: "طول عمرك صاحب صاحبك وجدع أنا مش مصدق الجدعان الكويسين بيمشوا كلهم، قلبي مبقاش مستحمل، لنا الله يارب وصبرني على وجع الفراق والسلام أمانة لماما ووالدك وكل اللي سبقونا، مع السلامة يا طارق يا حبييي، مع السلامة يا ابن خالي".
يذكر أن آخر أعمال طارق عبدالعزيز كان مشاركته في مسلسل "أعمل إيه" بطولة خالد الصاوي، صابرين، هناء الشوربجي، طارق عبد العزيز، هدى الإدريسي، صبري عبد المنعم، أحمد والي، نور إيهاب، إيمي الجندي، ريهام الشنواني، أحمد جمال سعيد، محمد مهران، ندى بسيوني، بيلار أحمد سامي، إخراج خالد الحلفاوي.