محمد موسى يتوعد محمد رمضان: هروقك بالورقة والقلم

وجه الإعلامي محمد موسى، رسالة قوية إلى الفنان محمد رمضان، على خلفية سخرية وانتقاد الأخير له بعد نشر مقطع فيديو لـ"موسى"، مرفق به أغنية "أديك في الجركن تركن".

وقال محمد موسى خلال تقديم برنامج "خط أحمر" على قناة الحدث اليوم، اللي أسمه محمد رمضان، عايز أقوله زي الإعلامي عمرو أديب ما قاله قبل كده ونفذ بالورقة والقلم هروقك وهديك في الجركن وهتركن.. اديك من تحت لفوق.. اديك ع قد الشوق وطبعا أنت الشوق مبهدلك. . هديك وتقولى لماذا ! اديك وهتاخد هذا طبعاً أنت عارف هتاخد أيه... هتاخد اللي انت متعود عليه".

تابع، "تاني بقولك أنت مين ياعم عشان محافظ يستقبلك أنت مين يا بتاع الجركن عشان تقول أنك هتعمل أعمال تعيش أكتر من الحضارة الفرعونية.. هي الحكاية هبت معاك أوي كده .. خليك في الصابونة بتاعتك واتكلم علي قد حجمك مش كل واحد مش مصدق اللي فيه هيطلع يرمي بلاه علي الناس.. وثقة في الله نجاح.. نصيحتي ليك أنت ممكن تبقي مشخصاتي كويس بس لو عملت شغل محترم مفيهوش إسفاف ولا فيه ترويج للبلطجة".