منى جبر تفجر مفاجأة عن عودتها للتمثيل

كشفت الفنانة المعتزلة منى جبر، حقيقة عودتها للمجال الفني والتمثيل من جديد بعد الاعتزال، مشيرة الى إنها لن تعود للتمثيل مرة أخرى بعد قرار اعتزالها.

وأضافت منى جبر، خلال مداخلة هاتفية في برنامج "القاهرة اليوم"، المذاع عبر شاشة ألفا ويقدمه الإعلامي إدوارد والإعلامية نانسي مجدي، أنها تعيش حياة هادئة مع عائلتها.

تابعت الفنانة المعتزلة منى جبر، "في المجال الفني بتجيلك لحظة بتحس إنك مش هتقدر تدي أكتر من اللي أنت اديته وخدت قرار الاعتزال ومن يوم القرار ده مفكرتش أرجع".

أضافت الفنانة المعتزلة منى جبر ، ان : "موحشنيش الكاميرا ولا الفن ولا التمثيل الجمهور أكيد هيقدر إني إنسان له حياته وقاعد في بيته مع ولاده، الفن ممكن يكون في أي حاجة الكلمة الطيبة أو الاطلاع على الحياة أو التعامل مع الناس، عشت حياتي اللي معشتهاش بعد الفن، لأنه بيخطف العمر..ومش همثل لو هاخد الأوسكار وحتى لو هاخد مال الدنيا".

كما تحدثت "الفنانة المعتزلة منى جبر" عن فنانين الجيل الحالي قائلة: "بحب الممثلين الصغيرين كلهم لأني بحس أنهم مجتهدين جدا وبينحتوا في الصخر إحنا كانت فرصنا أكتر لأننا أقل بكتير دلوقتي لو فتحت الحنفية هتنزل ممثلين، الممثل ممكن يعجبني في دور وممكن معجبنيش في دور تاني".