نهى عابدين: بمنع ابني عن السوشيال.. وروحت لدكتور نفسي بسبب الضغوط

كشفت نهى عابدين، تفاصيل جديدة عن بدايتها في عالم الفن والتمثيل، مشيرة إلى أنها تعشق التمثيل منذ الصغر وتهتم بكل تفاصيل التي تتعلق بالتمثيل.

وأضافت نهى عابدين، في حوار مع سالي عبدالسلام، مقدمة برنامج “حد النجوم”، المذاع عبر قناة الأولى للتلفزيون المصري، مساء اليوم الأحد، "أنا ممكن أكون بفهم في الأصول بزيادة، وفى أدوار بقول أنا حاسة انى مش هعرف أقول ده مش هعرف اعمل ده وفى النهاية في مخرج بيسمعك وتسمعه والهدف واحد اننا نطلع بأحسن حاجة".

وتابعت نهى عابدين، أن "ممكن نتناقش إننا نعمل حاجة لكن ماليش أنى أشيل أو أحط، المونتاج مش تخصصى واللى يدخل غرفة المونتاج المخرج مش أنا".

وأكدت نهى عابدين، “بمنع ابني عن السوشيال وروحت لدكتور نفسى بسبب الضغوط، ومن يوم ما اشتغلت حتى النهاردة بركز في دورى فقط ، ومبحبش التصنيفات في أنواع كوميدى تراجيدى وانا ست بشتغل ممثلة في أدوار أقدر أعملها وفى أدوار ما اقدرش أعملها ومينفعش أطلع أزايد على زملائى اللى بيعملوا أدوار أنا ما اقدرش أعملها”.