هايدي موسى: صعب أغني راب أو مهرجانات مش هتليق عليا

تألقت المطربة الشابة هايدي موسى في غناء أغنية "وحياتك وغلاوتك عندي" وذلك خلال استضافتها في برنامج "حد النجوم" من قلب مدينة العلمين الجديدة.

وأكدت هايدي موسى، خلال لقائها ببرنامج "حد النجوم" مع الإعلامية سارة حازم طه، المُذاع على قناة "أون"، أن مدينة العلمين الجديدة مميزة جدًا هذا العام، مشيرة إلى أن المدينة شهدت تطورًا معماريًا مذهلًا.
وقالت: "مش أول مرة أزور العلمين لكن التطور المعماري جابلي ذهول بصراحة السنة دي".
وحول حبها للأغاني الطربية، قالت هديدي موسى : "بحاول أوازن بين الأغاني الطربية والأغاني اللي بيحبها الجمهور، وبحاول طول الوقت أفرض الحاجة اللي مصدقاها وحباها للجمهور، وخلال مشواري قدمت أغاني مش راضية عنها، لأن منتجين بيقولوا مش لازم تعمل بس اللى بتحبه، لكن قدم الحاجة اللى بيحبها الجمهور".
وتابعت: المزيكا اليومين دول اتطورت بشكل كبير، والحاجة الوحيدة اللي محدش بيختلف عليها هي الكلمة الحلوة، والمعنى".
وأشارت إلى أن أغاني المهرجانات والراب موجودة في السوق، وهي تحب كل الأنواع الموجودة، ولكن تحفظها فقط ..وقالت: "بحب أغني الأغاني اللي مصدقاها، وعشان كده صعب أقدم راب أو مهرجانات، ده مش الاستايل بتاعي".