كريم قاسم عن تهربه من الزواج: خايف وعلاقاتي لا تتعدي 9 أشهر وتفشل
![](https://media.hyawhoma.com/img/24/05/14/54134.jpg)
تصدر الفنان كريم قاسم، قوائم تريند جوجل، بعد حديثه عن أسباب تهربه من الزواج.
وأكد الفنان كريم قاسم، خلال ظهوره في بودكاست "قهوة باللبن" من إنتاج العدل جروب، وتقديم جيلان علاء، قائلًا: "أنا مش شخص تقليدي ولا اتربيت بشكل تقليدي، عمر ما أهلي قالولي تعالى في بنت هنعرفك عليها ولا جايبين ليك عروسة، ولا حتى أختي قالولها كده، معندناش المفهوم ده وكل واحد حر يعيش تجربته ومحدش جيه في يوم يسألني مش هتتجوز بقى".
وأضاف: "في أي علاقة مكنتش بوصل لمرحلة أن واحدة تقولي مش هنتجوز؟، أنا خايف دي حاجة مطلقة أي راجل تقولي له هتروح تقابل أبو العروسة وعيلتها أنا بالنسبة ليا ده وأنا بحكي عنه جابلي ضيق تنفس، بقالي 10 سنين مدخلتش في علاقات عدت 9 شهور".
واختتم كريم قاسم تصريحاته قائلًا: "مش بفكر إني فنان وأخسر معجباتي، أنا مش مهتم بده لأنه مش أولوية أنا عندي شغف وبحب التمثيل وعايز أمثل وأخرج أيا كانت النتيجة".