محمد موسى: بلدنا في حالة حرب وتمر بـ كبوة ولازم نستحمل.. فيديو
وجه الإعلامي محمد موسى، رسالة إلى الشعب المصري، في ظل الأوضاع الاقتصادية التي تشهدها البلاد في الفترة الأخيرة قائلا: "الحالة اللي معظمنا بيعيشها بعضنا محبط وبعضنا مش متفاءل وبعضنا شايف زيي كده أن مهما كانت الصعاب هنتخطاها وهنعديها وأن بلدنا في كبوة زي بلاد تانية كتير وهنعدي أقوى وأحسن.
وأضاف محمد موسى خلال تقديم برنامج "خط أحمر" على قناة الحدث اليوم، "عارف أن الظروف صعبة وعارف أن الغلاء تاعبنا زي ما أنا عارف إننا ضروري نعتبر نفسنا في حالة حرب وفي حالات الحرب الناس بتستحمل لحد ما ييجي يوم الانتصار وياما عدي علينا صعاب أكتر من كده واتحملناها وده لأننا شعب حمول وبيحب بلده".
تابع، "ضروري مننكرش أن فيه ناس كتير متربصين بنا ومش عايزين يقوم لنا قومه.. ناس كده عايزين بطريقة أو بأخرى ياخدوا مكان مصر بالمنطقة لكن أنا بقول لهم مكانة مصر صعب أي حد ياخدها حتي ولو بتريليونات الدولارات لأننا كبار أوي".
