مي عمر: فيه فنانة بتأجر لجان عشان تهاجمني.. ناس كتير من اللي بيقبضوا فلوس قالوا لي
قالت الفنانة مي عمر، إن إحدى الفنانات تؤجر لجانًا للهجوم عليها، مشيرة إلى أنها تحاول التركيز على نفسها وعملها فقط، دون الالتفات لمثل تلك الأمور.
وأضافت خلال لقاء لبرنامج «أسرار»، المذاع عبر فضائية «النهار»، مساء الاثنين: «أحسن حاجة الواحد يركز في نفسه وشغله ويكون أفضل في كل حاجة، يطور من نفسه وطول الوقت يقدم عمل أحسن، أحسن ما يشتغل يدمر اللي حواليه».
وعن طريقة تعرفها على تلك الفنانة، أجابت: «في ناس كتير من اللي بيقبضوا فلوس قالوا لي، الحاجات دي كلها معروفة»، بحسب وصفها.
وأشارت إلى أنها تشعر بالضيق عندما تتعرض للهجوم بدون مبرر، مضيفة: «بتضايقني طبعا لما ألاقي حاجات غريبة بتتقال وهجوم غريب قبل حاجة معينة».
ولفتت إلى أنها كانت تلتفت للهجوم في السابق، لكنها أصبحت أكثر إيمانًا بنفسها، معقبة: «ربنا مديني حاجات كتير حلوة وبيعوضني، ومحدش بيقدر يقف قدام ربنا».
ورفضت الإفصاح عن اسم تلك الممثلة أو التصريح عما إذا تعاونت معها من قبل أم لا، مختتمة: «ربنا يكرمها وكل واحد يركز في شغله، ولو شنيت هجوم عليها بحس إنه شر بين وربنا مش هيكرمني».
