أميرة عبيد تفتح النار على «التيك توكرز»: باعوا شرفهم عشان الفلوس
فتحت الإعلامية أميرة عبيد النار على ما يسمون أنفسهم بالتيك توكرز، موضحة أن المجتمع يعاني من فترة كبيرة من سلبيات بعض الأشخاص على السوشيال بأشكال مختلفة.
وأضافت أميرة عبيد خلال تقديمها برنامج "هي وهما" على قناة الحدث اليوم، "كله في الحقيقة يبحث عن الترند وعن المال،! ومش فارق معاهم المال ده حلال ولاحرام المهم إنهم يحققوا أرباح .. وكل واحد بقي بيتاجر بنفسه بطريقته، اللي بيبع رجولته ونخوته واللي بتبيع سمعتها وأخلقها، وبلاوي كتير بتحصل علي التيك توك وأصبح عندنا شريحة كبيرة من الناس بتبيع نفسها مقابل المال،!
وتساءلت أميرة عبيد، "اللي بيبيعوا نفسهم كتير وشوفنا وعرفنا طيب و هو إحنا ممكن نلاقي حد في الزمن ده يكون نقاش على باب الله يروح يبيع دهب مراته والعربية اللي حليته ويشتري أرض و يبني عليها جامع؟ هل إحنا ممكن نلاقي حد كده في زمنا هذا ؟ والله يا جماعة لسه الدنيا بخير وفي ناس كتير ربنا راضي عنهم موجودين عشان يدونا أمل إن الخير موجود ليوم الدين وأصحاب النفوس الطيبة ما زلوا بيعمروا في الأرض.
