”عالم غريب” أغنية جديدة لفريق ”بلاك تيما”

طرح الفريق الغنائي "بلاك تيما"، أحدث أعماله الغنائية التي تحمل عنوان "عالم غريب"، وذلك عبر قناته الرسمية على موقع الفيديوهات يوتيوب .

ويتكون فريق "بلاك تيما"، من الثلاثي أمير صلاح، وبحر، وعبده، الذي كتب كلمات الأغنية ولحنها.

وجاءت كلمات الأغنية على النحو التالي:

عالم غريب كله نازل يدبحك ومفيش حبيب
والشيطان ساق العبيد حتى الطبيب
شايفك زبون ولقمه سهله جوه جيب
والغلط بقى شىء طبيعى ده العجيب

الغرور مع الألم مالى الشباب
كل واحد من اللى شافه شعره شاب
واللى كان ماسك مبادئه زهق وساب
دنيا فانية دنيا تدعو لاكتئاب

كله لاهى فى التلاهى كله ساهى تحته داهى
فى الزمن بقى عمله نادره اللى على العشره باقى
كله رايح فى المصالح كله عينه على المطارح
كله فاهم كله قارح كله زايل كله فانى

اه يازماني اه اللى رمانى اه مشوارى تهت معاه
يازماني اه
عندى سؤال ليه الشطاره فى اليومين دول احتيال
واللى يمشى بالضمير بقى فرع مال
كلنا نازلين نربى فى العيال اللى عنده فوق دماغك لو شوال

المهم بس تجرى على الفلوس
مش مهم خالص فيك ضعف النفوس
وكن حويط وفهلوي وخد دروس
دنيا اله واحنا جواها التروس

كله هادى كله عادى كله ما يبانلكش بادى
كله واخد الصابونه كله نافخ فى الزبادى
كله حامى كله سامى كله عاشت الأسامى
كله قافش الحرامى كله زايل كله فانى

آه يازماني آه اللى رمانى آه مشوارى تهت معاه
يازماني آه