الراقصة صفوة تفجر مفاجأة صادمة: جوزي سرقني ودخلني السجن

تحدثت الراقصة صفوة عن كواليس علاقتها بزوجها الثالث، الذي كان سببًا رئيسيًا في دخولها السجن.

واستكملت صفوة حديثها: جوزي سرق فلوسي ودخلني السجن عشان أنا حمارة، ومش أنا لوحدي بقول كده في ستات سامعين كلامي، وبيقولوا نفس الكلام، هو عمل كده رغم أنه كان بيعمل حاجات كويسة جدا معايا ومع أهلي كمان، ومخي ساعتها مكنش قادر يستوعب أن الخير الي كان بيعمله مني أنا.

وأضافت صفوة، خلال لقائها مع الإعلامية مروة صبري في برنامج قعدة ستات المعروض على شاشة “القاهرة اليوم”، : لما كان حد بيقول على جوزي أنه مش كويس وشوفي مستقبلك مكنتش بصدقهم، وأعمل لمستقبلي، وأنا كنت بالنسبة له الفرخة اللي بتبيض ذهب، وأنا كنت عمر ما كنت بفكر وراه، وأنا مكنتش مستوعبة أنه بيصرف من فلوسي.

برنامج "قعدة ستات"

برنامج "قعدة ستات"، تقدمه الإعلامية مروة صبري على قناة القاهرة اليوم، يوم السبت من كل أسبوع، وتستضيف خلاله عددا من نجوم الفن والشخصيات العامة والمشاهير.