محمد موسى صارخا: الكيان الصهيوني بيعمل اللي عايزه في المنطقة بحماية أمريكية
فتح الإعلامي محمد موسى، النار الكيان الصهيوني، بعد حادثي طابا ونويبع اليوم الجمعة، قائلا: اللي بيحصل ده نتيجة لإطلاق يد الكيان الإسرائيلي المحتل بأنه يعمل كل اللي هو عايزه في المنطقة العربية وبغطاء وحماية أمريكية وغربية.. كلنا فاهمين المخطط القذر اللي بيستهدفه المحتل الإسرائيلي وهو تهجير أهل غزة لمصر ".
تابع محمد موسى خلال تقديم برنامج "خط أحمر" على قناة الحدث اليوم، "اللي بيحصل من جانب الكيان الإسرائيلي أنا بشبهه ببلطجي ضعيف وتافه ولكن بيحتمي بشوية حرافيش ولكن المهم أننا في مصر لن نسمح بجرنا للمهزلة دي .. لأن دخول مصر حلبة الحرب هيكون نتائجه وخيمة جداً علي الجميع".
استطرد،: "إن كان الإسرائيليين فاكرين إننا مش هنتحرك يبقوا شوية أغبياء مصر بتتحرك برشد وبتعقل.. مصر قادرة تحمي حدودها وبالقوة الغاشمة لكن مصر بتتحرك وفق تقديرات إستراتيجية متعمقة ومش مصر اللي هتفرط في التعدي علي حدودها".
