ابن شقيق العندليب يرد على تصريحات شريف خير الله: بيتكلم عليه كأنه يعرفه
علق محمد شبانة، ابن شقيق المطرب الراحل عبد الحليم حافظ، على ما قاله الفنان شريف خير الله في برنامج تفاصيل حول ارتداء العندليب ملابس شبيهة للنجم محمد رمضان لو كان موجودا في الوقت الحالي.
وقال محمد شبانة، خلال مداخلة هاتفيه في برنامج تفاصيل الذي تقدمه الإعلامية نهال طايل عبر فضائية صدى البلد 2،: "شريف خير الله بيتكلم عن العندليب كأنه يعرفه أو هيعرف يعمل إيه في المستقبل الكلام ده مش مظبوط، عبد الحليم ليه ذوقه ومنهجه في الحياة وليه ثقافته وشخصيته الفريدة".
وأشار "شبانة"، إلى أنه لا يجوز مقارنة عبد الحليم حافظ بشخص آخر، ومحمد رمضان فنان موهوب وأهديته "كرفته" خاصة بالعندليب وقت تصويره لمسلسل ابن حلال، وقبل أن يكون نجما، معقبا :"محمد رمضان ميقدرش يقول كلام زي اللي قاله شريف خير الله.. شريف يمكن خانه التعبير وكل شخص بيلبس اللي بيليق عليه ومهما أتطور هيكون عبد الحليم مش حد تاني.
وأستكمل محمد شبانة، حديثه قائلا: "عبد الحليم كان أول واحد بيغني من خلال المايك الطويل وأول شخص يلبس البلوفر والبنطلون الجينز وتطور بشخصيته الحقيقة، يعني لما محمد رشدي عمل الأغاني الشعبية، عبد الحليم عمل أغاني شعبية رغم أنه مكانش أستاذ محمد رشدي".
وفي نفس السياق، قال شريف خير الله خلال حواره مع برنامج "تفاصيل"، المذاع عبر قناة "صدى البلد2"، تقديم الإعلامية نهال طايل، "محمد رمضان ربنا صارف له قبول كبير بغض النظر عن الناس بتقول وبتعيد عنه، أنا كان ليا عتاب على محمد رمضان على بعض الحاجات اللي بيعملها لكن ده ملوش دعوه بشخصيته كفنان".
وأشار شريف خير الله، إلى أنه انتقد محمد رمضان في موقف معين، ولكنه تساءل في إحدى المرات "ليه كل العدوات دي"، وأن الفنان الراحل أحمد زكى والمطرب الراحل عبد الحليم حافظ أكبر نجمان، معلقا: "لو عبد الحليم عايش لحد النهاردة ممكن يعمل إيقاع من خلال محمد رمضان أو يلبس زي لبسه، ده عصره وكان بيتحرر من المايك ويغني في وسط فرقته".
