.jpg)
محمد موسى: بعض المذيعين كمسيونجية بيخطفوا الضيوف من البرامج
أعرب الإعلامي محمد موسى، عن استيائه من الدخلاء على المهنة خلال الفترة الأخير بشكل متزايد ومثير للدهشة والاستغراب قائلا: مجموعة من الجهلاء فجأة لقوا نفسهم قاعدين علي الهواء وبيتكلموا ولو بصينا لخلفيتهم للأسف هتلاقي واحدة بتاع تاتوه وواحد كان موظف مرفود في حي من الأحياء وواحد تاني كان معدي من قدام سور مدينة الإنتاج وبايع له حتتين خردة وقالك أدخل أعمل برنامج".
وأضاف محمد موسى خلال تقديم برنامج "خط أحمر" على قناة الحدث اليوم، في 2003 أو 2004 وفجأة هب علي الصحافة مجموعة كده ممن ليسوا لديهم مهنة وسموا نفسهم صحفيين وشوفنا في أعقاب ده شغل الصحافة الصفراء اللي بيقوم عليها ناس غير مؤهلين وهو ده اللي بنأن منه دلوقتي .. ناس ملهاش علاقة بالإعلام وللأسف أساؤا للمهنة والغرب تلاقيهم بيصدقوا نفسهم ويتطور الموضوع معاهم وبيتحولوا لقذائف رخيصة بتستهدف النيل من أهل المهنة الحقيقيين".
تابع، الموضوع وصل أن بعضهم بيخطف الضيوف من برامج تانية كما لو كنا وسط مجموعة كمسيونجية مش إعلاميين لكن مع كل ده المشاهد بيعرف يفرق بين الصالح والطالح وبتاع المصالح".
