”قبل عرضه”.. محمد هنيدي يوجه رسالة لمخرج فيلم ”مرعي البريمو”

وجه الفنان محمد هنيدى رسالة لـ المخرج سعيد حامد، وذلك عبر موقع التواصل الاجتماعي "فيسبوك".

وقال محمد هنيدى: المخرج الكبير سعيد حامد صاحب مجموعة من أهم الأفلام في تاريخ السينما العربية.

صعيدي في الجامعة الأمريكية، همام في أمستردام، شورت وفانلة وكاب، جاءنا البيان التالي، وغيرها من الأفلام الناجحة اللي كانت السبب في عودة الروح للسينما المصرية وفتحت طريق أمام فنانين شباب أصبحوا دلوقتي أهم نجوم الفن في الوطن العربي.

وأضاف محمد هنيدى: سعيد حامد كان السبب الأساسي في تحويل الصوت في مصر من نظام الصوت المونو إلى نظام الصوت المحيطي دولبي 5.1 وأصر في الفترة دي إنه يدخل التقنية دي مصر رغم الصعوبات وقلة الإمكانيات كان بيقدر يوفر جزءا من ميزانية الفيلم للارتقاء بشريط الصوت والسفر إلى أوروبا عشان يقدر ينفذ المراحل النهائية لشريط الصوت بتقنيه الدولبي 5.1.

وأوضح محمد هنيدى: النهاردة وبعد اكتر من ٢٠ سنة بيرجع سعيد حامد بفيلم جديد #مرعي_البريمو عشان يقرر ينقل الصوت في مصر من تقنيه 5.1 إلى تقنيه الدولبي_ اتموس المذهلة اللي بتوفر للمشاهد تجربة صوتية غير مسبوقة بتخليه يشعر وكأنه جزء من العمل الفني.. تحية كبيرة للفنان الرائع سعيد حامد.