جوري بكر عن ضيافتها في برنامج صاحبة السعادة لـ إسعاد يونس: حلم واتحقق
تستعد الفنانة جوري بكر، الشهيرة بدور وداد في مسلسل “جعفر العمدة” للحلول ضيفة على برنامج “صاحبة السعادة”، الذي تقدمه الإعلامية إسعاد يونس على شاشة قناة dmc.
وأعربت جوري بكر عن سعادتها بحلولها ضيفة على برنامج إسعاد يونس حيث نشرت صورتها رفقة الإعلامية الكبيرة وعلقت عليها عبر حسابها الرسمي بموقع تبادل الصور والفيديوهات انستجرام، قائلة: خطوه مهمه حلم واتحقق يارب اكرمتني ولك الحمد.. حلقه جميله وخفيفه علي القلب بكره مع اطيب قلب الاستاذه اسعاد اضافه كبيره ليا اتشرفت بمعرفتك ويارب الحلقه تعجب حضرتكم.
وتصدرت جوري بكر مؤخرا تريند مواقع التواصل الإجتماعي بعد حديثها عن أسعار المنتجات في الساحل الشمالي، فقالت: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت، لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي، أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة.
