عصام عمر بعد تجربة بالطو: قربت للناس أكتر وأتمنى مبقاش متصنف
تحدث الفنان عصام عمر بطل مسلسل بالطو، عن تفاصيل حول تجربته الدرامية الجديدة بالعمل الذي حقق من خلاله نجاحا كبيرا مع الجمهور.
قال عصام عمر، ببرنامج سبوت لايت المذاع عبر قناة صدى البلد، تقديم الإعلامية شيرين سليمان: قربت للناس أكتر، وفيه جمهور حقيقي حبوا المسلسل وحسوا أن فيه حاجة حقيقية متقدمة لهم، ومفيش سلبيات الناس حبيتني في بالطو وأتمني إني أفضل على طول بقدم أدوار مختلفة ومبقاش متصنف في حتة معينة.
وتابع عصام عمر: لو دور حلو جالي هشتغله حتى لو مكنش هو البطل، وكنا متفهمين كلنا لأننا شباب وشغالين نفس الشغل ومحدش شايف حد أعلى من التاني.
وأضاف عصام عمر متحدثا عن المسلسل: بعد أول حلقتين الناس كلها كانت بتتكلم عن بالطو وكلهم كانوا مصدقين عاطف حتى في ضعفه.
